त्रिवेणी न्युज

2024-02-14

मध्यविन्दु । विनयी त्रिवेणी गाउँपालिकाको समग्र कृषि बिकासको विषयमा गाउँपालिका र कृषि ज्ञान केन्द्रका बीच छलफल भएको छ ।
गाउँपालिकाको कार्यालयमा गाउँपालिका अध्यक्ष घनश्याम गिरी, उपाध्यक्ष भगवती बैदवारसंग ज्ञान केन्द्रका प्रमुख कुल प्रसाद तिवारी सहितको प्रतिनिधिले छलफल गर्नु भएको हो । विनयी त्रिवेणी गाउँपालिकामा यस आर्थिक वर्षमा कृषि तर्फको कार्यक्रम कार्यान्वयनको अवस्था, कृषि ज्ञानकेन्द्र मार्फत सञ्चालन हुने कार्यक्रमहरुको बारेमा छलफल भएको गाउँपालिका अध्यक्षका स्वकीय सचिव संगम गिरीले जानकारी दिए ।
छलफलमा कृषि आयोग संगको छलफलमा गाउँपालिकाका तर्फबाट गर्न सक्ने प्रस्तावहरुको बारेमा समेत छलफल भएको थियो । छलफलमा ज्ञान केन्द्रका अधिकृत विश्वास काफ्ले, गाउँपालिकाका कृषि अधिकृत दामोदर पाण्डे, कृषि प्राविधिक मनोज चापागाईं, किसान महासंघ नवलपुरका अध्यक्ष पूर्ण प्रसाद सुवेदीको उपस्थिति रहेको थियो ।