दुम्कीबास । नवलपरासी पूर्व नवलपुरको विनयी त्रिवेणी गाउँपालिकाले गण्डकी प्रदेश सरकारसँगको लागत साझेदारीमा “प्रविधिमैत्री सिकाइ परियोजना” सञ्चालन गर्न सम्झौता गरेको छ । सामुदायिक विद्यालयमा सूचना तथा सञ्चार प्रविधिको प्रयोग बढाउँदै शिक्षा प्रणालीमा गुणात्मक सुधार ल्याउने उद्देश्यसहित परियोजना सञ्चालन हुनेछ ।
शुक्रबार गाउँपालिका अध्यक्ष घनश्यम गिरीको उपस्थितिमा मुख्यमन्त्री तथा मन्त्रिपरिषद्को कार्यालय गण्डकी प्रदेशको तर्फबाट प्रदेश कार्यक्रम व्यवस्थापक उपसचिव टीकाराम पौडेल र गाउँपालिकाको तर्फबाट प्रमुख प्रशासकीय अधिकृत सुमग पण्डितले हस्ताक्षर गर्नु भएको हो ।
गाउँपालिकाको आर्थिक वर्ष २०८१÷८२ को नीति तथा कार्यक्रममा समावेश गरिएको यस परियोजनाको लागि प्रदेश सरकार अन्तर्गतको नवप्रवर्तनात्मक साझेदारी कोष बाट लागत साझेदारी हुने गरी सम्झौता गरिएको हो । सम्झौता अनुसार, कुल लागत २ करोड १५ लाख रुपैयाँ रहेकोमा ६५ लाख गाउँपालिकाले स्वयं बहन गर्नेछ ।
प्रविधिमैत्री सिकाइ परियोजना मार्फत गाउँपालिकाका सातै वडाका सात सामुदायिक माध्यमिक विद्यालयहरूमा कम्प्युटर, इन्टरनेट, डिजिटल उपकरण, ई–लाइब्रेरी र क्ष्ऋत् प्रयोग कक्ष स्थापना गरिने गाउँपालिकाका शिक्षा अधिकृत भुपराज पाण्डेले बताउनुभयो ।
पहिलो चरणमा सात वटा विद्यालयलाई प्रविधिमैत्री बनाउदै गाउँपालिकाको समग्र शैक्षिक सिकाईलाई समय अनुकुल बनाउने उदेश्य सहित अबको कार्यक्रमहरु सञ्चालन हुने गाउँपालिका अध्यक्ष घनश्याम गिरीले बताउनुभयो । उहाँका अनुसार परियोजना मार्फत दिगो विकास लक्ष्य (क्म्न्) का ५० भन्दा बढी सूचकमा योगदान पु¥याउने अपेक्षा गरिएको छ । महिला, दलित, जनजाति लगायत सीमान्तकृत समुदायका विद्यार्थीहरूको प्रविधिमा पहुँचलाई प्राथमिकतामा राखिएको छ ।
२०८३ असार १५ गतेसम्म सञ्चालन हुने परियोजनाबाट करिब ४००० विद्यार्थी, १५० शिक्षक, ७ विद्यालय प्रत्यक्ष लाभान्वित हुनेछन् भने समुदायस्तरमा झण्डै ६ हजार अभिभावक तथा सरोकारवाला अप्रत्यक्ष रूपमा लाभान्वित हुने अनुमान छ ।
_1707905314.JPG)
_1699171719.JPG)
_1699086947.JPG)
त्रिवेणी न्युज एक समाचार पोर्टल हो जसले नेपाल र विश्वसँग सम्बन्धित नवीनतम र अद्यावधिक समाचार र जानकारी प्रदान गर्दछ। ताजा समाचारको अपडेटको लागि, हामीसँग रहनुहोस्।
Copyright © 2026, Triveni News. All rights reserved.
Powered by Bitmap I.T. Solution Pvt. Ltd. .
